Գյուղական ֆինանսավորման կառույցը (ԳՖԿ) կազմավորվել է ՀՀ Ֆինանսների նախարարության ներքո` ՀՀ Կառավարության որոշմամբ:

ՙԳՖԿ- ԾԻԳ՚ ՊՀ -ի նպատակն է աջակցել գյուղատնտեսական գործունեության ակտիվացմանը ԳԶՄՀ -ի, ՀԲ -ի միջոցների հաշվին գյուղական տարածքներում գյուղական փոքր և միջին արտադրողների ու ձեռնարկատերերի համար համապատասխան ֆինանսական պրոդուկտները մատչելի դարձնելու միջոցով: Այս նպատակով վարկային միջոցների ԳԶՄՀ մասնաբաժինը (մոտ 8.9 միլիոն ԱՄՆ դոլար):

ՀԲ մասնաբաժինը (մոտ 5.2 միլիոն ԱՄՆ դոլար) օգտագործվում է նախա որակավորում անցած բանկերի և այլիրավասու ֆինանսական կառույցների միջոցով` միջին և երկարաժամկետ վարկեր տրամադրելու համար:

Վերաֆինանսավորման ենթակա վարկերի տևողությունը 1-7 տարի է, մեկ վարկի առավելագույն արժեքը սկզբնական շրջանում սահմանված է 150.000 ԱՄԴ, առավելագույն արտոնյալ ժամկետը` 18 ամիս:

Քանի որ վարկային ողջ ռիսկը կրում են բանկերը, ուստի շահառուներին վարկերը տրամադրվում են գրավային, տոկոսային և արտոնյալ ժամկետի վերաբերյալ սեփական քաղաքականությանը համապատասխան:

ԳՖԿ վերաֆինանսավորման համար ընդունելի ներդրումները ներառում են`

ա) ներտնտեսային ներդրումներ մշակա բույսերի և անասնապահության զարգացման համար,

բ) ներդրումներ ուղղված վերամշակման, պահեստավորման, փաթեթավորման, շուկայահանման և գյուղատնտեսական այլ ենթաոլորտների զարգացմանը:

Ընթացիկ ծրագրերի նպատակն է` ՀՀ առավել աղքատ մարզերի գյուղական բնակչության եկամուտների կայուն աճի ապահովումը:

Ծրագրի խնդիրն է` սահմանված տարածքում ապահովել գյուղատնտեսությանն առնչվող տնտեսական գործունեության կայուն աճ:

Ծրագիրն իր գործունեությունն իրականացնում է Հանրապետության լեռնային 7` Տավուշի, Գեղարքունիքի, Լոռու, Շիրակի, Վայոց Ձորի, Արագածոտնի և Սյունիքի մարզերում: Դա ներառում է Հայաստանի հողատարածքի մոտ 80%-ը:

2007 թվականի փետրվարից ՀԲ -ի հետ կնքված պայմանագրի շնորհիվ հնարավոր եղավ գյուղի վարկավորման ծրագրի իրականացումը Արարատի, Կոտայքի, Արմավիրի մարզերում, ինչպես նաև Երևանում:

Ծրագրի շրջանակներում որպես համագործակցող բանկեր ընտրվել են 8-ը` Արդշինինվեստ բանկ, Յունի բանկ, Անելիք բանկ, Ինեկո բանկ Ակբա Կրեդիտ Ագրիկոլ բանկ, Կոնվերս բանկ, Առեքսիմ բանկ, ՀԲԲ:

2007թ հոկտեմբերի 16-ին ՙՀազարամյակի մարտահրավերներ- ՀԱՅԱՍՏԱՆ՚ ՊՈԱԿ -Ի հետ կնքվել է պայմանագիր նմանօրինակ ծրագրերի համատեղ իրականացման և մոնիտորինգի կազմակերպման վերաբերյալ (մասնա բաժինը` մոտ 8.5 միլիոն ԱՄՆ դոլար):Ծրագրին մասնակցում են` ՙՀայ բիզնեսբանկ՚ՓԲԸ, ՙԿոնվերս Բանկ՚ ՓԲԸ, ՙՖարմ Կրեդիտ Արմենիա՚ ՈւՎԿ, ՙՆոր Հորիզոն՚ ՈւՎԿ: