ՍԿԻԶԲ  

 ՀՀ ֆինանսների նախարարության ներքո գործող «Գյուղական Ֆինանսավորման Կառույց-ծրագրերի իրականացման գրասենյակ» (այսուհետ` ԳՖԿ-ԾԻԳ) պետական հիմնարկը հիմնվել է 2005թ. հոկտեմբերին:

ՆՊԱՏԱԿ

 ԳՖԿ-ԾԻԳ-ի նպատակն է աջակցել գյուղատնտեսական գործունեության ակտիվացմանը գյուղական տարածքներում փոքր և միջին արտադրողների ու ձեռնարկատերերի համար համապատասխքան ֆինանսական պրոդուկտները (վարկերը) առավել մատչելի դարձնելու միջոցով:

 ՈՒՂՎԱԾՈՒԹՅՈՒՆՆԵՐ

ԳՖԿ-ԾԻԳ-ի վերաֆինանսավորման համար ընդունելի ներդրումները համարվում են` 
• ներտնտեսային ներդրումներ ուղղված մշակաբույսերի և անասնապահության զարգացմանը,
• ներդրումներ ուղղված վերամշակման, պահեստավորման, փաթեթավորման, շուկայահանման, ծառայությունների մատուցման և գյուղատնտեսական այլ ենթավոլորտների զարգացմանը:

 ՊԱՅՄԱՆՆԵՐ

ԳՖԿ-ԾԻԳ-ի վերաֆինանսավորման ենթակա վարկերի տևողությունը 1-ից 7 տարի է, մեկ վարկի առավելագույն արժեքը սահմանված է 150 հազար ԱՄՆ դոլարի չափով, առավելագույն արտոնյալ ժամկետը` 18 ամիս:

 ՌԻՍԿԵՐ

Քանի որ վարկային ողջ ռիսկը կրում են Մասնակից Ֆինանսական Կառույցները, ուստի շահառուների հայթայթման և դրանց վարկավորման գրավային, տոկոսային, արտոնյալ ժամկետի տրամադրման պայմանները ՄՖԿ իրականացնում են սեփական քաղաքականության համապատասխան:

 ԾՐԱԳՐԵՐ

Ներկայումս ԳՖԿ-ԾԻԳ-ի գործառույթները իրականացվում են հետևյալ ներդրումային ծրագրերի և/կամ ֆինանսական աղբյուրների շրջանակներում.

•«Գյուղական տարածքների տնտեսական զարգացման» ծրագիր`ֆինանսավորող ԳԶՄՀ - IFAD,
•«Գյուղական ձեռնարկատիրության և փոքրածավալ առևտրային գյուղատնտեսության զարգացման» ծրագիր` ֆինանսավորող Համաշխարհային Բանկ - WB,
•«Ֆերմերներին շուկայավարման հնարավորություններ» ծրագիր`ֆինանսավորող ԳԶՄՀ - IFAD,
•«Հազարամյակի մարտահրավեր հիմնադրամ-Հայաստան» (ՀՄՀՀ) ծրագրի շրջանակներում «Ջրից դեպի շուկա» վարկային ծրագիր`  ֆինանսավորող «Հազարամյակի մարտահրավեր հիմնադրամ» (ՀՄՀ-MCC),
•«Գյուղական ոլորտին տրամադրվող վարկերի տոկոսադրույքների սուբսիդավորման» փորձնական նախագիծ` ֆինանսավորող ՀՀ բյուջե,
•«Գյուղական վայրերում փոքր և միջին ձեռնարկատիրության խթանում» ծրագիր` ֆինանսավորող ՀՀ բյուջե: